Azərbaycandan qayıdan hərbçilər Ermənistanda dindirilir.

KONKRET.az xəbər verir ki, bu barədə Sputnik Armeniya-ya İstintaq Komitəsinin mətbuat katibi Vardan Tadevosyan məlumat verib.

O bildirib ki, bir gün əvvəl Ermənistana təhvil verilən 5 erməni hərbçi dindirilir.

“Hərbçilər İrəvanın İstintaq Komitəsinin hərbi idarəsindədirlər. Onlar dindirilir. Bundan sonra onların statusu müəyyən olunacaq”, – Tadevosyan deyib.

Xatırladaq ki, ötən gün Azərbaycan erməni hərbçilər Martin Aqramanyan, Aşot Gevorkyan, Feliks Qriqoryan, Varazdat Manukyan və Edik Tigrani Ovsepyanı Ermənistana təhvil verib.

Xuraman Etibarlı,

KONKRET.az