“Əgər hər şey normal olsa, Azərbaycanla saziş may ayında imzalanacaq”.

KONKRET.az xəbər verir ki, bunu erməni politoloq Andranik Ovannisyan bir sıra mənbələrə istinadən bildirib. O deyib ki, aprelin 4-dən etibarən Paşinyanın fərmanı ilə Ermənistan Xarici İşlər Nazirliyində Azərbaycanla sülh müqaviləsi hazırlayacaq işçi qrup yaradılacaq.

“Sənəd ərazi bütövlüyünün qarşılıqlı tanınmasına, bir-birinə ərazi iddialarının olmamasının qarşılıqlı təsdiqinə və Ermənistanla Azərbaycan arasında regional nəqliyyat kommunikasiyalarının blokunun açılmasına istinad edir”, – deyə siyasətçi özünün Teleqram kanalında yazıb.

Ovannisyan “hər işin normada getdiyi halda” sülh sazişinin may ayında imzalanacağını qeyd edib.

Xuraman Etibarlı,

KONKRET.az