KONKRET.az-ın Orta Asiya ölkələri üzrə bürosu xəbər verir ki, Qazaxıstan polisi bank kartlarının şəkillərini WhatsApp-a göndərməməyə çağırır. “Özünüzü qorumaq üçün tez-tez şifrələrinizi dəyişdirməlisiniz (sosial şəbəkələrdə, telefonda – Qeyd), çünki indi hər şey telefonda saxlanılır. Yəqin ki, hər biriniz WhatsApp tərəfindən sevdiyiniz şəxsə şəxsiyyət vəsiqəsi şəklini göndərmisiniz. Və ya bank kartının bir fotoşəkilini, kartın arxasındakı nömrələri. Bunu etmək lazım deyil, çünki fırıldqçılar üçün onlayn alış-veriş etmək üçün bu şəkillər kifayətdir. İnternetdən istifadə üçün əsas qaydalar var”. Kibercinayətkarlıqla Mübarizə Mərkəzi rəhbərinin müavini Rüstəm Dyuset bildirib ki, bu il mindən çox İnternet cinayətinin üstü açılıb, 388 nəfər istintaqa cəlb edilib. Onlardan 160 nəfəri iki və daha çox onlayn fırıldaqçılıq etdiyinə görə tutulub.

Daxili İşlər Nazirliyindən verilən məlumata görə, çox vaxt Nur-Sultan, Almatı və Şimkent sakinləri internetdəki fırıldaqçıların əlindən əziyyət çəkirlər.