“Rus işğalçıları tərəfindən qaçırılan merlərimizin bəzilərinin meyiti tapılıb. Digərlərini tapmaq mümkün deyil”.

KONKRET.az xəbər verir ki, bunu Ukrayna Prezidenti Volodimir Zelenski “The Economist”ə bildirib.

Zelenski vurğulayıb ki, Rusiya ordusu 2014-cü ildə Donbasda olduğu kimi işğal olunmuş ərazilərdə də eyni üsullardan istifadə edir.

Xatırladaq ki, martın 11-də Melitopol meri İvan Fedorovun oğurlanması ilə bağlı məlumat yayılıb. Martın 14-də Zaporojye vilayətinin hərbi administrasiyası elan edib ki, işğalçılar tərəfindən qaçırılan Melitopol meri “terrorçuluq” işi ilə bağlı ittiham olunub və Luqanskdadır. Martın 16-da Fedorov xüsusi əməliyyat nəticəsində işğalçıların əsirliyindən azad edilib.

Vəsilə İbrahim,

KONKRET.az