Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən “Rəqəmsal Tibbi Həllər” Məhdud Məsuliyyətli Cəmiyyətində yeni təyinatlar olub.

KONKRET.az iqtisadiyyat.az-a istinadən xəbər verir ki, bununla bağlı müvafiq əmrlər imzalanıb.

Belə ki, Murad Ağalı Rəqəmsal sistemlərin inteqrasiyası və analitikası departamentinin müdiri, Nişat Həsənov Rəqəmsal mühəndislik departamentinin müdiri, Rusif Nəhmətov İnfrastruktur şöbəsinin müdiri, Nicat Kərimov Məlumatların idarə edilməsi departamentinin müdiri, Şahlar Dəmirli Rəqəmsal məhsullar şöbəsinin müdiri və Firuzə Əfəndiyeva İnzibati şöbənin müdiri vəzifəsinə təyin ediliblər.

Qeyd edək ki, M.Ağalı yeni təyinatadək Analitika şöbəsinin müdiri, N.Həsənov Proqram təminatının inkişafı şöbəsinin müdiri, Ş.Dəmirli Məhsulun inkişafı bölməsinin müdiri, F.Əfəndiyeva isə İnzibati şöbədə məsləhətçi vəzifəsində vəzifəsində işləyib. N.Kərimov və R.Nəhmədov isə İcbari Tibbi Sığorta Agentliyində müvafiq olaraq İT şöbəsinin müdiri və İnfrastruktur şöbəsinin müdiri vəzifəsində çalışıblar.