BMT-də koronavirusa qarşı vaksinin hazırlanması zamanı əməkdaşlıq məsələlərinə həsr edilən yüksəksəviyyəli görüş keçirilir. Görüş “COVİD-19 pandemiyasının sonunu yaxınlaşdırmaq” şüarı altında təşkil olunur.
KONKRET.az xəbər verir ki, BMT-nin Baş katibi Antonio Quterreş koronavirus testlərinin, dərman və vaksininin hazırlanması və paylanmasını sürətləndirə biləcək ACT-Accelerator mexanizminin vacibliyindən söz açıb.
Baş katib COVİD-19 pandemiyasını qlobal həmrəyliyin ən ciddi sınağı adlandırıb:
“Virusu yalnız birləşərək məğlub edə biləcəyimizi başa düşmək üçün dərin ağıl lazım deyil. COVİD-19 bütün dünyada insanları və iqtisadiyyatları təhdid edir. Bu təhlükə işıq sürəti ilə yayılır”.
O, COVİD-19-dan ölənlərin sayının bir milyonu keçdiyini xatırladaraq deyib:
“Yoluxma halları artmaqdadır və bir çox ölkədə ikinci dalğanın həyəcanverici əlamətlərini görürük”.axar.az