İran xarici işlər naziri Məhəmməd Cavad Zərif ABŞ-ın Dövlət katibi Entoni Blinkenin dünənki çıxışına münasibət bildirib.

KONKRET.az xəbər verir ki, Birləşmiş Millətlər Təşkilatı Təhlükəsizlik Şurasının nüvə anlaşmasına dəstək qərarına işarə edən Zərif “ABŞ nüvə razılaşmasını pozdu, iranlıların qida və dərman tədarükünün qarşısını aldı, 2231 saylı qətnaməyə əməl edənləri cəzalandırdı.

Bu çirkin müddətdə İran razılaşmaya sadiq qaldı. İlk addımı kim indi atmalıdır? Trampın uğursuz təzyiqlərini unutmayın”,- deyə bildirib.