Kiprdə koronavirus infeksiyasının yeni variantı aşkar edilib.

KONKRET.az-ın xarici mediaya istinadla məlumatına görə, o, əvvəllər müəyyən edilmiş “delta” və “omikron” ştamlarının hibrididir.

Kipr Universitetinin Biotexnologiya və Molekulyar Virusologiya Laboratoriyasının yeni xəstəlik növünü müəyyən edən alimləri ona “deltakron” adını veriblər.

Bunu əvvəllər Kipr Səhiyyə Nazirliyi yanında Pandemiya ilə Mübarizə üzrə Elmi Məsləhət Şurasına rəhbərlik etmiş laboratoriyanın rəhbəri Leontios Kostrikis deyib.

Onun sözlərinə görə, COVID-19-un “deltakron” ştamı “delta”variantına oxşar genetik əsasa malikdir, lakin onun bir sıra mutasiyaları koronavirusun “omicron” ştammına oxşardır.

“Biz əvvəllər yalnız “omikron” ştamı ilə yoluxma halları zamanı aşkar edilmiş xeyli sayda mutasiya tapdıq”, – Kostrikis deyib.

O, əlavə edib ki, “omikron”un 30 mutasiyası var və onlardan 10-u Kiprdə götürülmüş nümunələrdə tapılanlara uyğun gəlir.