İranın Bakıdakı keçmiş səfiri Əfşar Süleymani haqqında yayılmış anti-Azərbaycan fikirləri təkzib edib.

Bu barədə KONKRET.az-a keçmiş səfir Əfşar Süleymani özü açıqlama verib. Səfir deyib ki, o, Azərbaycana qarşı heç bir fikir bildirməyib.

“Mən haqqımda yazılanları təkzib edirəm. Anti-Azərbaycan votsap qurupunda mənim adımdan paylaşılan “Azərbaycan İrana qayıtmalıdır” yazısı mənə məxsus deyil.  Bu, olan iş deyil və İranin milli maraqlarına ziddir. Azərbaycan müstəqil qalacaq, inkişafina davam edəcək,  ərazi bütovlüyü də tam bərpa olacaq və qorunacaq”, – deyə Süleymani bildirib.

Xatırladaq ki, İrandan idarə olunan “Nardaran313” telegram kanalı İranın Azərbaycandakı keçmiş səfiri Əfşar Süleymaninin Zəngəzur dəhlizinin açılması ilə bağlı fikirlərini dərc edib. Yazıda “İrandan ayrılan bütün torpaqların yenidən İrana birləşdirilməsi” barədə anti-Azərbaycan fikirləri yer alıb.

Xuraman Etibarlı,

KONKRET.az