Bir gün əvvəl, oktyabrın 1-də, Ermənistanın “Re: Artsakh” telegram kanalı Azərbaycana qarşı hərbi əməliyyatlarda iştirak etmək üçün Yunanıstandan Ermənistana onlarla muzdluların gəlməsi barədə məlumat verib.
“Qarabağdakı Yunanıstandan olan könüllülər: birinci qrupa Yunanıstandan 50 etnik erməni və 30 yunan daxil olacaq”, – deyə xəbərdə bildirilir.
KONKRET.az xəbər verir ki, erməni millətçilərinin telegram kanalı bu gün öz Twitter səhifələrində Yunanıstanın muzdlu vətəndaşlarını döyüşlərdə iştirak etmək üçün göndərdikləri barədə bir neçə mesaj yayıb. Həmin xəbərlərdə yunan bloger və aktivist, “City Times” qəzetinin müəllifi Paul Antonopoulosa istinad edilir.