Ermənistan və İran arasında qarşılıqlı iqtisadi əməkdaşlıq haqqında memorandum imzalanıb.
KONKRET.az “Sputnik Armenia”-ya istinadən məlumat verir ki, Ermənistanın İqtisadiyyat Nazirliyinin İrandakı nümayəndə heyəti bir sıra iri sənaye obyektlərini ziyarət ediblər. Ermənistanın İqtisadiyyat naziri və İranın Ticarət, Sənaye və Mədən İşləri naziri Alireza Razm Hosseini “Mammut” sənaye kompleksini və “Cinnagen” əczaçılıq şirkətini ziyarət edib.
Xatırladaq ki, Ermənistan İqtisadiyyat naziri Vahan Kerobyan 22 yanvar tarixindən bu yana dörd günlük səfərdədir. Səfərin 26 yanvar tarixində sona çatacağı bildirilir.