Fövqəladə Hallar Nazirliyinin “112” qaynar telefon xəttinə Gəncə şəhəri, Nizami Gəncəvi küçəsində yerləşən Mərkəzi univermaq binasının bir hissəsinin çökmə ehtimalının olması barədə məlumat daxil olub.

FHN-dən KONKRET.az-a verilən xəbərə görə, məlumatla əlaqədar dərhal FHN-in Gəncə Regional Mərkəzinin qüvvələri əraziyə cəlb olunub, aidiyyəti dövlət qurumları məlumatlandırılıb.

Univermaq binasında çökmə ehtimalı nəzərə alınaraq binadakı vətəndaşların təxliyəsi təşkil olunub.

***

10.59

Gəncədə yerləşən “Mərkəzi Univermaq” ticarət mərkəzinin bir hissəsində çökmə təhlükəsi yaranıb.

KONKRET.az APA-ya istinadən xəbər verir ki, hadisə yerinə adiyyəti qurumların əməkdaşları cəlb olunub.

Binaya baxış keçirilir.