Göyçayda yol qəzası baş verib, xəsarət alan var.
KONKRET.az xəbər verir ki, hadisə Bakı – Şamaxı – Yevlax yolunun 215 ci km Göyçay rayonu Çayarxı kəndi ərazisindən keçən hissəsində qeydə alınıb.
Belə ki, magistral yolda hərəkət edən 1989-cu il təvəllüdlü İsmayılov Fərhad Ədalət oğlunun idarə etdiyi motosikletçi ilə rayon sakini 1986-cı il təvəllüdlü Elvin Mərdanovun idarə etdiyi OPEL markalı avtomobillə toqquşub. Dərhal əraziyə təcili yardım briqadası çağırılıb.
Yaralı təcili yardım vasitəsi ilə rayon mərkəzi xəstəxanasına çatdırılıb. Hadisənin hansı səbəbdən baş verdiyi araşdırılır.//Apa
