Hindistanın Bihar əyalətində kəndlərdən birində 200-dən çox adam bir qadını diri-diri yandırıb.

KONKRET.az xəbər verir ki, 45 yaşlı Rita Devi cadugərlikdə şübhəli bilindiyi üçün hücuma məruz qalıb. Bildirilir ki, bir ay əvvəl o, xroniki xəstəliyi olan bir kişinin ölümündə ittiham edilib.

Məlumata görə, kişinin ailəsi qonşu Carkhand əyalətindən şeytan çıxaran şəxs çağırıb və bu, çoxlu tamaşaçı toplayıb. Lakin şeytan çıxaran onlara cavab verə bilməyəndə, camaat hiddətlənərək Devinin evinə tərəf hücum edib. İddiaya görə, qəzəbli kütlə Devinin evinin ərazisinə soxulub və onu döyüb, sonra ona benzin tökərək yandırıb.

Hazırda qətllə bağlı ən azı 14 nəfər həbs edilib, daha 65 nəfərin şəxsiyyəti müəyyən edilir. Polis daha çox şübhəlini müəyyən etmək üçün video görüntüləri nəzərdən keçirdiklərini söyləyib.

Səlahiyyətlilər həmçinin mümkün polis səhlənkarlığını araşdırır. Devinin ailəsinin dediyinə görə, onlar dəhşətli hadisədən bir ay əvvəl ona qarşı təhdidlər barədə məlumat veriblər.

Cadugər ovları Bihar, Jharkhand və digər yaxın ştatların ucqar ərazilərində tez-tez baş verir. Milli məlumatlara görə, 2001-2012-ci illər arasında ölkə üzrə təxminən 2100 belə qətl hadisəsi baş verib.