Ucar rayonunda itkin düşən şəxsin meyiti tapılıb.
KONKRET.az xəbər verir ki, hadisə rayonun Qaracallı kəndi ərazisində baş verib.
Kənd sakini, 1964-cü il təvəllüdlü Vahid Məmmədov iki gün əvvəl itkin düşüb. Yaxınlarının axtarışları nəticəsində V.Məmmədovun meyiti fevralın 17-də axşam saatlarında kənd ərazisindən keçən su kanalında aşkar edilib.
Meyitin üzərində zorakılıq əlamətləri aşkarlanmayıb.
Faktla bağlı araşdırma aparılır.