İordaniya kralı II Abdullahın ögey qardaşı Həmzə bin Hüseyn şahzadə titulundan imtina edib.

KONKRET.az xəbər verir ki, o, bu barədə “Twitter“də yazıb.

Həmzə bin Hüseyn paylaşımında ​“İordaniyaya sadiq qaldığını və şəxsi həyatında Vətənə və xalqa xidmət edəcəyini qeyd edib.

Martın əvvəlində İordaniya kralı şahzadə Həmzədən 2021-ci ildə iğtişaşları qızışdırmaq planında iştirak etməsinə dair etiraf məktubu alıb. Bildirilirdi ki, şahzadə Həmzə krala zərər vuran əməllərindən peşman olub.

İordaniya Kralı Dəftərxanasının sitat gətirdiyi mesajın mətnində deyilir: “Mən səhvimi etiraf edirəm və İordaniya xalqından, kral ailəsindən üzr istəyirəm”.