İranla ABŞ arasında birbaşa danışıqlar hazırda aparılmır. Tehran və Vaşinqton arasında əlaqə yalnız vasitəçilər üzərindən davam etdirilir.

KONKRET.az xəbər verir ki, bu barədə xarici işlər naziri Abbas Əraqçı çıxışında deyib.

A.Əraqçı bildirib ki, bir sıra ölkələr iki ölkə arasında danışıqların yenidən başlaması üçün diplomatik səylər göstərir.

Əraqçının sözlərinə görə, Tehran danışıqların bərpası üçün ABŞ-dan müəyyən addımlar gözləyir. İran tərəfi hərbi əməliyyatlarla bağlı razılaşmaların pozulmasının dayandırılmasını və dəymiş ziyanın ödənilməsini tələb edir.

“Hazırda ABŞ ilə danışıqlar aparmırıq, lakin vasitəçilər vasitəsilə mesaj mübadiləsi həyata keçirilir”, – deyə Əraqçı qeyd edib

Beləliklə, Tehranla Vaşinqton arasında gərginliyin azaldılması istiqamətində vasitəçilik cəhdləri davam etsə də, tərəflər arasında birbaşa dialoq hələlik mümkün görünmür.

Günay Əli 

KONKRET.az