İstintaq müəyyən edib ki, Ukraynanın Lvov şəhərində fəaliyyət göstərən jurnalistin avtomobilinin yandırılmasını əvvəllər məhkum olunmuş yerli sakin və polis məmuru təşkil edib. Polis artıq beynəlxalq axtarışa verilib.

KONKRET.az Ukrayna mediasına istinadən xəbər verir ki, bu haqda məlumat Ukrayna Təhlükəsizlik Şurası tərəfindən verilib.

Müəyyən edilib ki, Lvov dəmiryolundan yanacaq oğurlamaqda günahkar bilinən, qaçaqmalçılıqla məşğul olan əvvəllər məhkum olunmuş yerli sakin yanma hadisəsində şübhəli bilinir.

İstintaqın bir versiyasına görə isə yanğının təşkilində Lvov polisinin bir işçisi də cəlb edilib. Polis icraçını tapıb və bu işi həyata keçirmək üçün ona pul verib.  Hal-hazırda iddia edilən təşkilatçının xaricdə gizləndiyi və onun beynəlxalq axtarışa verildiyi deyilir.

Xatırladaq ki, jurnalist ailəsinin avtomobili yanvarın 30-na keçən gecə Lvov şəhərinin mərkəzindəki Kubiyoviç küçəsində yandırılıb. Hadisə zamanı heç kim zərər görməyib. Nəticədə avtomobilin ön hissəsi və mühərrik bölməsi zədələnib.

Daha sonra sosial şəbəkədə alovlanma anının videosu yayılıb.

Babək Göyüş

KONKRET.az