Konkret.az-ın Orta Asiya ölkələri üzrə bürosu xəbər verir ki, Özbəkistanda 12 növ məişət texnikası, avadanlıq və mobil telefonun idxalı məhdudlaşdırıla bilər. “Uzstandard” bununla bağlı bir sıra tədbirlərin tətbiq olunmasını təklif edib.

Bu, “İstehlakçıların hüquqlarının qorunması və istehlak məhsullarının uyğunluğunun qiymətləndirilməsi, habelə sahibkarlıq subyektləri üçün əlverişli şəraitin yaradılması ilə bağlı əlavə tədbirlər haqqında” hökumətin qərar layihəsində nəzərdə tutulub.

Sənəd Özbəkistanda məişət texnikası, avadanlıq və mobil telefonların istehsalçıları olan müəssisələrin rəsmi dilerlərinə Qaraqalpaqstanda, bölgələrdə və Daşkənddə ən azı bir xidmət mərkəzinə sahib olduqları halda gələn ilin yanvarın 1-dən satışına icazə verilməsini təklif edir.

İ.MUSAYEV