Azərbaycan Respublikasının Prezidenti İlham Əliyev bu gün Təhlükəsizlik Şurasının iclasını keçirib.
KONKRET.az xəbər verir ki, Prezident cəbhəboyu bölgələrdən məlumatlı olduğunu bildirib:
“Bu gün səhər mən bütün cəbhəboyu bölgələrdən məlumat almışam. Azərbaycan vətəndaşları cəsarət göstərirlər, hər kəs öz yerindədir, ordumuza, dövlətimizə dəstək verməyə hazırdırlar və bunu edirlər”.
O bildirib ki, Azərbaycan Ordusu Ermənistanın təxribatına cavab olaraq əks-hücum əməliyyatları həyata keçirir:
“Deyə bilərəm ki, əməliyyat uğurla həyata keçirilir, Prezident Administrasiyasına, eyni zamanda, Müdafiə Nazirliyinə göstəriş verildi ki, əhali müntəzəm olaraq hadisələrin gedişatı ilə bağlı məlumatlandırılsın”, – deyə İlham Əliyev əlavə edib.