Moskvanın Şərq dairəsinin Burakova küçəsində üçmərtəbəli inzibati və sənaye binası yanır.

KONKRET.az xəbər verir ki, bu barədə paytaxt prokurorluğunun teleqram kanalında məlumat verilib.

Yanğın sahəsinin 2500 kvadratmetr təşkil etdiyi bildirilir.

Məlumata görə, hadisə yerində 120 mütəxəssis və 35 texnika çalışır.

Ölən və yaralananlar barədə məlumat verilməyib.

Prokurorluqdan bildirilib ki, yanğının baş vermə səbəblərini müəyyən etmək üçün yanğın-texniki ekspertiza keçiriləcək.