Ötən ilin 27 sentyabrından Ermənistanda ikinci Qarabağ müharibəsində iştirak etmiş 457 nəfər əlilliyin müəyyən olunması üçün müvafiq orqanlara müraciət edərək müayinədən keçib.

KONKRET.az Sputnik Armenia-ya istinadən xəbər verir ki, bu barədə ölkənin Əmək və Sosial Məsələləri Nazirliyi məlumat yayıb.

Qeyd edilir ki, onlardan 368-i əlil kimi qeydiyyata alınıb.

“65 nəfər birinci qrup, 119 insan ikinci, 184 nəfər üçüncü qrup əlillik alıb”, – deyə nazirlikdən bildirilib.

Cari ilin 10 fevralına qədər 66 nəfərin yuxarı və aşağı ətrafların protezlənməsinə ehtiyac var”, – məlumatda əlavə olunur.

Qeyd edək ki, Ermənistanın Müdafiə Nazirliyi ikinci Qarabağ müharibəsində həlak olmuş və ya xəsarət almış hərbçilərin sayını hələ açıqlamayıb.