UEFA Çempionlar Liqasının pley-off mərhələsi çərçivəsində keçiriləcək “Nyukasl” – “Qarabağ” matçının biletləri satışa çıxarılır.

KONKRET.az xəbər verir ki, bu barədə Ağdam təmsilçisinin mətbuat xidməti məlumat yayıb.

Fevralın 24-də, İngiltərədəki “Sent-Ceyms Park” stadionunda təşkil olunacaq matçın biletləri bu gün saat 15:00-dan “iTicket.az” saytında satışda olacaq.

Qeyd edək ki, komandalar arasında ilk oyun fevralın 18-də Bakıda keçiriləcək.