Oğuz rayonunun Xaçmaz kəndi yaxınlığındakı meşə sahəsində yanğın qeydə alınıb.
KONKRET.az xəbər verir ki, bu barədə Ekologiya və Təbii Sərvətlər Nazirliyinin (ETSN) mətbuat katibi İradə İbrahimova bildirib.
O qeyd edib ki, ETSN-nin yerli qurumları, Fövqəladə Hallar Nazirliyinin (FHN) Dövlət Yanğından Mühafizə Xidmətinin əməkdaşları və kənd sakinləri tərəfindən yanğın söndürülüb.
Yanğın nəticəsində təxminən 1,5 hektar ərazidə quru ot örtüyü yanıb.