Ermənistan hökuməti sərhəddə üç keçid məntəqəsinin açılması ilə bağlı Azərbaycandan müsbət cavab gözləyir.
KONKRET.az xəbər verir ki, bu barədə Ermənistanın Baş naziri Nikol Paşinyan tvitter hesabında yazıb. O bildirib ki, Şərqi Azərbaycan və Naxçıvan arasında əlaqəni təmin etmək üçün Ermənistan-Azərbaycan sərhədində 3 buraxılış məntəqəsinin açılması barədə hökumət qərarının layihəsi dövriyyəyə buraxılıb.
Bununla bağlı Ermənistan Azərbaycandan cavab gözləyir.
“Ermənistan hökumətinin Şərqi Azərbaycanla Naxçıvan arasında əlaqəni təmin etmək üçün Ermənistan-Azərbaycan sərhədində 3 buraxılış məntəqəsinin açılması ilə bağlı qərar layihəsi artıq bir neçə aydır ki, rəsmən yayılıb.
Ermənistan hökuməti Azərbaycandan müsbət reaksiya gözləyir”, – Paşinyan yazıb.
Xuraman Etibarlı,
KONKRET.az