“Çox şey başa çatıb və “hər şeyi silməyə – yenidən başlamağa” ehtiyac yoxdur. Həm də Nikol Paşinyanın bütün əvvəlki hakimiyyətlərin mövcudluğu tarixindəki son nöqtə olduğunu bildirən mövqe ilə razı deyiləm. Paşinyan dövründə qanunların pozulması və korrupsiya keçmiş hakimiyyətlərə nisbətən daha pis təzahürlərə sahib idi. Üstəlik, keçən illərdə çətinliklə olsa da, yavaş olsa da, heç olmasa bir inkişaf gördük. Paşinyanın gəlişi ilə yeni prinsiplər, mahiyyəti daha vacib olan universal dəyərlər ortaya çıxdı. Bütün quruluşları təkbaşına əzərək ölkəni polis dövlətinə çevirdi. Minillik nailiyyətləri dəyərsizləşdirərək ölkəmizin tarixini yenidən nəzərdən keçirdi. Bəli, əvvəlki hakimiyyət orqanlarının istismarları bir həqiqətdir, lakin ölkələrinə, millətlərinə və dövlətçiliyinə sadiq idilər”.

KONKRET.az xəbər verir ki, bu fikirləri müxalifətin Baş nazir postuna vahid namizədi Vazgen Manukyan bu gün erməni mətbuatına verdiyi müsahibəsində deyib. Müxalifət lideri müsahibəsində prezident Aram Sarkisyanı da tənqid edib. Deyib ki:”Hazırkı prezident erkən seçkilərin keçirilməsini təklif edir. Bəs Konstitusiya Məhkəməsini dağıtmaqla Nikol Paşinyana kömək etmədi? Armen Sarkisyan mükəmməl başa düşür ki, Nikol Paşinyanın hakimiyyəti dövründə erkən seçkilərin keçirilməsi ölkə üçün fəlakətdir. İnzibati və maliyyə mənbələrindən maksimum istifadə ediləcək. Məğlub olmuş müharibədən sonra da vəzifəsindən ayrılmaq istəməyən bir insan – xalqın əleyhinə səs versə də, heç bir halda kabinetindən çıxmayacaq”.

“Bu gün Ermənistanda baş verənlər 28 il qabaq Azərbaycanda baş vermişdi. O vaxt inqilab yolu hakimiyyətə gələn Elçibəy müharibəni uduzdu və ölkəsini acınacaqlı vəziyyətlə üz-üzə qoydu. Həmin proseslər indi bizdə təkrarlanır. Ən pisi odur ki,Paşinyan kütlələrin əhval-ruhiyyəsini idarə edir, prezident Sarkisyan isə elitanın fikri ilə manipulyasiya edir”.

KONKRET.az