“Azərbaycanın Rusiyadakı səfiri Polad Bülbüloğlu ilə bağlı bilərəkdən yayılan böhtanları qınayıram”.
KONKRET.az-ın xəbərinə görə, bunu tanınmış hüquqşünas Aslan İsmayılov özünün “facebook” hesabında yazıb.
A.İsmayılov qeyd edib ki, münasibətdən asılı olmayaraq Polad Bülbüloğlu Azərbaycanı təmsil edən fövqəladə və səlahiyyətli səfiridir və düşmənlərin ona qarşı qaldırdığı kampaniyada iştirak etmək lazım deyil: “Onun adından bilərəkdən yayılan səs yazısı saxtadır və Polad Bülbüloğlunun Rusiya əhalisi arasında olan müsbət nüfuzu ilə bağlıdır. Bu gün isə bizim Rusiya vətəndaşları tərəfindən müsbət dəyərləndirilən səfirə çox ehtiyacımız var”.
