Epidemiyanın baş verməsi hər şeyi öz yerinə qoydu və Çinə kimin dost, kimin düşmən olduğunu göstərdi.
KONKRET.az xəbər verir ki, bu haqda məlumatı Çinin China.com saytı yazır.
Nəşr bildirir ki, Putin Çinə dəstək olmaq üçün protokolu pozmaqdan çəkinmir.
Qəfil epidemiyasının baş verməsi çinlilərə göstərdi ki, kritik anda onlara kömək əlini kim uzadıb, kim bu fürsətdən istifadə edib daş atacaq!
Fevralın 5-də Çinin Rusiyadakı yeni səfiri Çjan Xanxuey etimadnaməsini Moskva Kremlində Rusiya prezidenti Vladimir Putinə təqdim edib. Mərasimdə Putin deyib: “Çin və biz hamımız hazırda koronavirus infeksiyasının yayılması təhlükəsi ilə üzləşmişik. Çin rəhbərliyi epidemiyanı dayandırmaq üçün qətiyyətli və enerjili tədbirlər görür. Rusiya dost Çin xalqına kömək etməyə və koronavirusa qarşı mübarizədə hər cür kömək göstərməyə hazırdır”.
Rusiya tərəfinin bu bəyanatı dərhal bütün dünyada qızğın müzakirələrə səbəb oldu.
Rusiya KİV-in məlumatına görə, etimadnaməsinin təqdim edilməsi mərasimi ən koloritli mərasimlərdən biri olub. 1933-cü ildən bəri ilk dəfə olaraq Çin, ABŞ, Böyük Britaniya, Fransa, Almaniya və digər 18 ölkədən olan səfirlər eyni zamanda Rusiya dövlətinin başçısına etimadnamələrini təqdim etdilər. Lakin hətta belə nadir və xüsusi halda da Putin protokolu pozub və Çinə öz dəstəyini açıq şəkildə ifadə edib, bu dəfə dostcasına münasibəti xüsusi vurğulanıb. Həmin gün Rusiya hərbi təyyarəsi maddi yardımla Uxana gəldi. Bundan başqa, təyyarəyə ilə rusiyalı tibb mütəxəssisləri koronavirusa qarşı peyvəndin hazırlanmasında Çin ekspertləri ilə əməkdaşlıq edəcəklər.
Qeyd etmək lazımdır ki, son altı gün ərzində bu, Putinin Çinə kömək edəcəyinə söz verdiyi üçüncü dəfədir. Fevralın 4-də Çerepovskda (Voloqod vilayətindəki şəhər) ictimaiyyətin nümayəndələri ilə görüşdə Putin deyib: “Ümid edirəm ki, indi bizim Çinli dostlarımız bu ağır vəziyyətdən şərəflə çıxacaqlar. Yeni koronavirus ilə mübarizə ən effektiv nəticələrə gətirib çıxaracaq və nə qədər tez olsa, daha yaxşıdır”.
Bundan əlavə, o, lazımi yardım göstərəcəyini bildirdi. Bundan əvvəl, yanvarın 31-də Putin artıq dost Çin xalqına lazımi yardım göstərməyə hazır olduğunu bildirmişdi ki, Rusiyanın müvafiq qurumları yeni ümumi təhlükəyə mümkün qədər tez müqavimət göstərmək üçün analoji Çin qurumları ilə sıx əməkdaşlıq edəcəklər.
Amma Çinə kömək əlini uzadarkən bəzi ölkələr çubuğu həddindən artıq əyirlər! Yanvarın 27-də Danimarkanın “Jyllands-Posten” qəzeti Yeni koronavirus haqqında “Çini alçaldan” karikaturanı dərc edib və üzr istəməkdən imtina edib. Ölkənin Baş naziri hətta qəzetdə dərc edilən materialı “söz azadlığı” ilə əlaqələndirib. Çinin Danimarkadakı səfiri Feng Te dərhal rəsmi reaksiya verərək, “Jyllands-Posten” tərəfindən nəşr olunan bu karikaturanın Çin xalqının hisslərini təhqir etdiyini bildirdi. Çin bayrağı Çin Xalq Respublikasının simvoludur və buna görə də müqəddəs və toxunulmazdır. Çin xalqı milli bayrağı çox yüksək qiymətləndirir və onların qəlbində mühüm yer tutur. Dövlət bayrağının ləkələnməsi Çin üçün və bütün Çin xalqı üçün təhqirdir. O, söz azadlığının sərhəd və limitlərə malik ola bilməyəcəyini vurğuladı. “Jyllands-Posten”in və rəssamın hərəkətləri tamamilə qəbuledilməzdir və onlar sərt şəkildə qınanmalıdır.
Babək Göyüş
KONKRET.az