“Qarabağ” Çempionlar Liqasının I turunun cavab qarşılaşmasında darmadağınla növbəti mərhələyə yüksəlib.
KONKRET.az-ın xəbərinə görə, qitənin ən nüfuzlu turnirində təmsilçimiz Polşa çempionu “Lex” üzərində 5:1 hesablı qələbəyə sevinib. Hərçənd, oyunun ilk saniyələrindən hesabda geri düşüb. Bununla belə, “Qarabağ” özündə inam taparaq, əvvəlcə hesabı bərabərləşdirib, hissənin sonunda 2:1 önə keçməyi bacarıb.
İkinci 45 dəqiqədə rəqibinin qapısını 3 dəfə silkələyən “köhlən atlar”, bir həftə öncə 0:1 hesablı məğlubiyyəti artıqlaması ilə çıxıb.
“Qarabağ” – “Lex” – 5:1
Qollar: Velde, 1 (0:1), Kadi, 14 (1:1), Ozobiç, 42 (2:1), Medina, 56 (3:1), Kadi, 74 (4:1), Abbas Hüseynov, 77 (5:1)
Hakimlər: Endryu Medli, Daniel Kuk, Harri Leonard, Simon Huper\
Tofiq Bəhramov adına Respublika Stadionu
İlk oyun – 0:1
Beləliklə, turu adlayan “Qarabağ” növbəti mərhələdə İsveçrə çempionu “Sürix”lə qarşılaşacaq.
21:31
Bakıda Tofiq Bəhramov adına Respublika Stadionunda “Qarabağ” – “Lex” qarşılaşması davam edir.
KONKRET.az xəbər verir ki, 56-cı dəqiqədə Kevin Medina Ağdam təmsilçilərinin 3-cü qolunu vurdu – 3:1.
20:59
Bakıda “Qarabağ” və Polşanın “Lex” komandası arasında UEFA Çempionlar Liqasının I təsnifat mərhələsinin cavab oyunu keçirilir.
KONKRET.az xəbər verir ki, Tofiq Bəhramov adına Respublika stadionunda keçirilən qarşılaşma saat 20:00-da başlayıb.
Görüşü ingiltərəli FIFA referisi Endryu Medli idarə edir.
“Qarabağ” Polşa “Lex”inə qarşı keçirdiyi UEFA Çempionlar Liqasının I təsnifat mərhələsinin cavab oyununda hesabda önə çıxıb.