Qırğızıstan Prezidenti Sooronbay Jeenbekov parlament seçkilərindən sonra istefa verəcək.

KONKRET.az xəbər verir ki, bu barədə Qırğızıstan prezidentinin mətbuat katibi Tolqonay Stamaliyeva məlumat verib.

Onun sözlərinə görə, bu gün Jeenbekov ölkənin yeni Baş naziri Sadır Japarovla görüşüb. Görüş zamanı baş nazir prezidentdən bu gün istefa verməsini tələb edib.

“Jeenbekov bir daha vurğulayıb ki, indiki vəziyyətdə prezidentlikdən getmək hüququ yoxdur, çünki bu, dövlətin inkişafına ziyan verəcək gözlənilməz ssenariyə gətirib çıxara bilər. Prezident 9 oktyabrda dediyi kimi ölkəni hüquqi müstəviyə qaytardıqdan sonra istefa verəcək”, – Stamaliyeva vurğulayıb.axar.az