Berlindəki Britaniya səfirliyində təhlükəsizlik işçisi olmuş Devid Smit Rusiyaya casusluq etdiyini etiraf edib.

KONKRET.az “Yeni Şafak” nəşrinə istinadən xəbər verir ki, noyabrın 4-də keçirilən məhkəmədə irəli sürülən 9 ittihamdan 8-i üzrə təqsirli bilinən 58 yaşlı Smit 14 il həbs cəzası alacaq.

Məlumata görə, səfirlikdə 8 il mühafizəçi işləmiş Smit Rusiya hərbi attaşesinə səfirlik əməkdaşlarının fəaliyyəti, şəxsiyyətləri, ünvanları və telefon nömrələri ilə bağlı məlumatları ötürüb.

Ona qarşı irəli sürülən ittihamlara görə, Smitin 2020-ci il oktyabrın 31-dən dekabrın 1-dək Rusiyanın Berlindəki hərbi attaşesi general-mayor Sergey Çukurovla görüşüb.

Qeyd edək ki, Devid Smit 2021-ci ilin avqustunda Rusiyaya casusluq ittihamı ilə Almaniyada həbs olunub.

İqbal Rzayev,

KONKRET.az