Şəkidə minik avtomobilləri toqquşub, xəsarət alanlar var.

KONKRET.az xəbər verir ki, hadisə saat 16 radələrində Şəki-Qax avtomobil yolunun Qoxmuq kəndi ərazisindən keçən hissəsində baş verib.

İki minik avtomobilinin toqquşması nəticəsində 1990-cı il təvəllüdlü Şəki şəhər sakini Vüsal Elman oğlu İlyasov, 1991-ci il təvəllüdlü Bakı şəhər Zabrat sakini Aygün Vidadi qızı Əsgərova və 1994-cü il təvəllüdlü Bakı şəhəri Maştağa sakini Fərəh Elşad qızı Hacıyeva müxtəlif dərəcəli bədən xəsarətləri alıblar.

Yaralılar Şəki Rayon Mərkəzi Xəstəxanasına (RMX) yerləşdiriliblər.

Faktla bağlı Şəki Rayon-Şəhər Polis Şöbəsində araşdırma aparılır.(apa)