Meksikanın Quanaxuato ştatının İrapuato şəhərində yerləşən “La Texana” adlı bara gecə saatlarında silahlı basqın edilib.

KONKRET.az xarici mediaya istinadən xəbər verir ki, hadisə nəticəsində 12 nəfər ölüb, 3 nəfər isə yaralanıb.

Polis hadisə ilə bağlı araşdırmalara başlayıb.

Hücumun narkotik şəbəkələri arasında baş verən qarşıdurma səbəbiylə həyata keçirildiyi güman edilir.

Qeyd edək ki, sentyabrın 21-də Quanaxuato ştatında bara edilən basqında 10 nəfər həlak olub.

İqbal Rzayev,

KONKRET.az