Mozambikin Nampula bölgəsində hakim “Qurtuluş Cəbhəsi” partiyasının təşkil etdiyi mitinq zamanı dəhşətli faciə baş verib.

Konkret.az “aljazeera” portalına istinadən xəbər verir ki, stadionda təşkil olunan mitinq zamanı izdiham olub. Nəticədə azı 10 nəfər həyatını itirib. 100-ə qədər yaralı var.

Xəstəxanaya yerləşdirilən yaralılardan bəzilərinin vəziyyəti ağırdır.

Məlumata görə, siyasətçilərin çıxışından sonra mitinq iştirakçılarının bir çıxışa yönəlməsi izdihama səbəb olub. İnsanlar bir-birlərini tapdalayıb.

Qeyd edək ki, Mozambikdə prezident seçkiləri kampaniyası çərçivəsində partiyalar müxtəlif bölgələrdə mitinqlər təşkil edir.

Redaktor.az