İraqda ABŞ-ın hücumu nəticəsində öldürülən İran İslam İnqilabı Keşikçilәr Korpusunun (SEPAH) “Əl Qüds” xüsusi təyinatlı qüvvələrinin komandanı olmuş general Qasım Süleymaninin cənazəsi bazar günü İranın Kirman şəhərində dəfn ediləcək.

KONKRET.az xəbər verir ki, bu barədə İranın “Mashreghnews” saytı məlumat yayıb.

Bildirilir ki, bazar günü Tehran Universitetində İranın Ali rəhbəri Əli Xameneinin də iştirak edəcəyi vida mərasimi keçiriləcək. Bundan sonra cənazə dəfn üçün Süleymaninin doğma şəhəri Kirmana aparılacaq.