Azərbaycanda istehsal olunan “Mənim kiçik Şahzadəm” adlı cizgi filmi Tayvanda keçirilən 12-ci Hsin-Yi Uşaq Animasiya Mükafatları Film Festivalına namizəd göstərilib.
KONKRET.az xəbər verir ki, bu barədə 16-24 yanvar tarixlərində keçiriləcək film festivalının rəsmi saytında məlumat verilib.
“Mənim balaca Şahzadəm” filmi rejissor Arif Məhərrəmov tərəfindən “Azanfilm” studiyasında Azərbaycan Mədəniyyət Nazirliyinin sifarişi ilə 2019-cu ildə çəkilib. Filmdə rəssam Məryəm Ələkbərlinin Antuan de Sent-Ekzüperin “Kiçik Şahzadə” kitabına həsr etdiyi rəsmlərindən istifadə edilib. Əvvəllər film Türkiyə, Rusiya, Azərbaycan və digər ölkələrdə keçirilən beynəlxalq festivallarda təqdim olunuub.
KONKRET.az