Yanvarın 18-də Özbəkistan Baş Prokurorluğunda Özbəkistan Baş Prokuroru Niqmatilla Yuldaşevun sədrliyi ilə Korrupsiyaya Qarşı Mübarizə üzrə Respublika İdarələrarası Komissiyasının geniş iclası keçirilib.

KONKRET.az-ın Mərkəzi Asiya ölkələri üzrə bürosu xəbər verir ki, video konfransda korrupsiyaya qarşı mübarizə və ali təhsildə qanunun tətbiqi ilə bağlı məsələlər müzakirə edilib.

Baş prokuror Yuldaşev tələbələrin bir universitetdən digərinə köçürülməsi, ixtisas dəyişikliyi prosesində korrupsiyanın yayılmasını tənqid edib, eyni zamanda nazirlikdən bəzi vəzifəli şəxslərin və universitet işçilərinin korrupsiya sxemlərində iştirak etmələri barədə məlumat verib.

Məlum olduğu kimi, dörd dəfə məhkum olunmuş ali təhsil sisteminin keçmiş əməkdaşı Ali Təhsil Nazirliyində rəhbər vəzifələrdə çalışıb və bir sıra cinayətlərdə iştirak edib.

Onun Rusiya və Ukraynada təhsil alan iki tələbədən Daşkənd universitetlərinə keçməsi üçün 4000 dollar tələb etdiyi məlum olub.

İstintaq davam edərkən vətəndaş U., tələbələrin köçürülməsi və bərpasına kömək etməyi təklif edərək, “xidmət” üçün 14 min dollar tələb edərək cinayətin altı epizodunda iştirakçı olmağı bacarıb.