Ukraynanın Nikolayev şəhərində azərbaycanlı tutulub.

KONKRET.az Redaktor.az-aistinadən xəbər verir ki, Məmməd Rzayev “Nərə” adlı cinayətkar dəstənin üzvü olub.

Onun üzvü olduğu cinayətkar dəstə şirkət rəhbərindən hədə-qorxu yolu ilə pul almaqda şübhəli bilinir.

Eyni zamanda onun adı qatarlardan yanacaq oğurlamaqla bağlı da hallanır.

Dəstənin digər üzvləri ilə bağlı məhkəmə qərarı çıxarılsa da, M. Rzayevin tələb etdiyi tərcüməçi tapılmadığından onun məhkəməyə çıxarılması bir neçə gün ləngiyib.

Bu gün baş tutan məhkəmə prosesində prokuror istintaqın hərtərəfli keçirilə bilməsi üçün M. Rzayev barədə həbs-qətimkan tədbiri seçilməsini istəyib.

Məhkəmə qərarı ilə onun barəsində iki ay müddətinə həbs-qətimkan tədbiri seçilib.