“Düşünürəm ki, yaxın zamanlarda Azərbaycan Silahlı Qüvvələri tərəfindən hücumlar olacaq, biz bu ssenariyə hazır olmalıyıq”.

KONKRET.az xəbər verir ki, bunu parlamentin deputatı Armen Xaçatryan jurnalistlərə müsahibəsində bildirib.

“Azərbaycan Silahlı Qüvvələrinin “təxribat”ları davam edir. Düşünürəm ki, yaxın gələcəkdə hücum olacaq, ona görə də biz hər şeyə hazır olmalıyıq. Təəccüblü heç nə yoxdur, çünki bu “təxribat”lar daim baş verirdi.

Ermənistan tərəfdən mühəndislik işləri fəal şəkildə davam edir. Bəzi ərazilərdə ilkin işlər artıq başa çatıb. Lakin başa düşmək lazımdır ki, mühəndislik işləri başlayan, lakin heç vaxt bitməyən işdir. Bu, indiki məqamda müdafiə qabiliyyətimizin artması ilə bağlıdır.

Yəni, növbəti “təcavüz” olarsa, hazır olmalıyıq. Qonşumuz Azərbaycandır və bu dəfə hücum etməyəcəklərinə ümid etməyə əsas yoxdur. Biz istənilən ssenariyə hazır olmalıyıq”, – Xaçatryan deyib.

Xuraman Etibarlı,

KONKRET.az