Ermənistanda keçirilən sorğuda vətəndaşlara “Ölkədə prezident seçkiləri keçirilsə, kimə səs verərdiniz” sualı ünvanlanıb.

KONKRET.az “Baku TV”yə istinadən xəbər verir ki, sorğuda iştirak edən vətəndaşlar suala müxtəlif cavablar veriblər. Bir erməninin ünvanlanan suala verdiyi cavab isə bütün Ermənistanı sözün əsl mənasında şoka salıb. Belə ki, “Seçki keçirilsə, kimə səs verərsiniz” sualına erməni vətəndaş “Mən İlham Əliyevə səs verərdim”, – deyə cavab verib. O həm hazırkı, həm də sabiq Ermənistan rəhbərlərinin ölkəni acınacaqlı duruma düçar etdiyini vurğulayıb və cavabını bununla əsaslandırıb.

Erməni vətəndaşı ölkəyə rəhbərlik edən bütün şəxsləri yandırıb zibilliyə atmağın lazım olduğunu bildirib.

Müşviq Tofiqoğlu

KONKRET.az