Xəbər verdiyimiz kimi, bu gün Türkiyədə baş verən dağıdıcı zəlzələdən bir il ötür. Minlərlə insanın ölümünə səbəb olan təbii fəlakət ölkənin Kahramanmaraş, Adıyaman, Hatay, Malatya, Qaziantep, Adana, Kilis, Osmaniye, Diyarbəkir, Şanlıurfa, Elazığ rayonlarını əhatə edib. 

KONKRET.az-ın Türkiyə mediasına istinadən məlumatına görə, Hatayda zəlzələnin ildönümü ilə əlaqədar olaraq sakinlər Köprübaşı adlı ərazidə toplaşaraq həlak olanların xatirəsini yad edib.

Tədbir zamanı sakinlər məşhur “Ayrılıq” mahnısını ifa edərək zəlzələ zamanı həlak olan sakinləri, öz yaxınlarını anıblar.

Mərasimin görüntüləri sosial şəbəkələrdə maraqla izlənib.Qafqazinfo