Amerika Birləşmiş Ştatları “DXR” (qondarma Donetsk Xalq Respublikası) adlanan bölgədə üç əcnəbi vətəndaşa ölüm hökmü verilməsindən narahatdır və Rusiya Federasiyasını humanitar qanunlara əməl etməyə çağırır.

KONKRET.az xəbər verir ki, bu barədə ABŞ-ın dövlət katibi Entoni Blinken “Twitter” səhifəsində yazıb.

“Biz Ukrayna Silahlı Qüvvələrində qanuni olaraq xidmət edən döyüşçülərin saxta “məhkəməsi” və onlara hökm oxunması barədə xəbərlərdən ciddi narahatıq. Rusiyanı və onun qüvvələrini beynəlxalq humanitar hüquqa, o cümlədən hərbi əsirlərə verilən müdafiəyə hörmət etməyə çağırırıq”, – mesajda deyilir.

Xatırladaq ki, iyunun 9-da Rusiya dövlət mediası iki Britaniya vətəndaşı – 28 yaşlı Ayden Aslin, 48 yaşlı Şon Pinner və Mərakeş vətəndaşı Saadun Braqimin Donetskdə Rusiyanın nəzarəti altında olan ərazisində mühakimə olunduğunu bildirib.

Onlar hakimiyyəti ələ keçirməkdə və tanınmamış “DXR respublikası”nın qondarma konstitusiya quruluşunu devirməkdə ittiham olunurlar.

We are gravely concerned by reports of a sham “trial” and its judgements against lawful combatants serving in Ukraine’s Armed Forces. We call on Russia and its proxies to respect international humanitarian law, including the rights and protections afforded prisoners of war.

— Secretary Antony Blinken (@SecBlinken) June 9, 2022

Roman Göytürk,

KONKRET.az