Ermənistan Baş Prokurorluğuna Kotayk vilayətinin Ağveran icmasında əmlakın qanunsuz olaraq mənimsənilməsi barədə məlumat daxil olub, Kotayk vilayət prokurorluğuna göndərilib. Bu barədə Ermənistan Baş Prokurorluğunun mətbuat xidməti bu gün səhər məlumat verib.
KONKRET.az bildirir ki, polis hesabata əsasən materiallar hazırlayır.
Mediada yayılan məlumatlara görə, Ermənistan Respublikasının keçmiş nəqliyyat və rabitə naziri Qurgen Sarkisyan və “Qanun ölkəsi” partiyasının lideri Artur Bağdasaryan Kotayk rayonunun Ağveran icmasında qanunsuz olaraq pansionat almaqda şübhəli bilinirlər. Mülkiyyətin dəyəri təxminən 5 milyon dollardır.