AVRO-2020: Türkiyə yığması Bakıda daha çox oyun keçirə bilərbackend

AVRO-2020: Türkiyə yığması Bakıda daha çox oyun keçirə bilər

AVRO-2020-nin qrup mərhələsinin püşkatmasında Türkiyə yığmasının Bakıda oynayacağı rəsmiləşib.

KONKRET.az-ın məlumatına görə, qonşu ölkə təmsilçisi Bakı Olimpiya Stadionunda 2 deyil, 3 oyun da keçirə bilər.

A qrupunun Uels və İsveçrə ilə görüşlərini ölkəmizdə keçirəcək Şenol Günəşin yetirmələri daha bir dəfə azarkeşlərimiz önünə çıxa bilər. Bunun 1/4 final mərhələsində gerçəkləməsi mümkündür.

Belə ki, iyulun 4-də AVRO-2020-nin Bakıdakı sonuncu 4-cü qarşılaşması təşkil olunacaq. Həmin matçda 1/8 finalın Amsterdam və Budapeştdəki qarşılaşmalarının qalibləri üz-üzə gələcək.

Macarıstanda C qrupunun qalibi ilə D, E və ya F qruplarından birinin üçüncüsü oynayacaq. Niderlandın paytaxtında isə A və B qruplarının ikinciləri münasibətlərini aydınlaşdıracaqlar.

Türkiyənin oynadığı qrupun ikincisi 1/4 finalda Bakıda oynamaq üçün Amsterdamda qalib gəlməlidir. “Ay-ulduzlular”ın A qrupunda 2-ci yeri tutaraq həmin görüşdə iştirakı da mümkündür. Bir sözlə, Ş.Günəşin komandası ikinci yeri tutub, 1/8 final səddini keçsə, yenidən Bakı Olimpiya Stadionunda oynayacaq. (apasport)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*