11:48

Abdulla Şaiq adına Azərbaycan Dövlət Kukla Teatrının aktyoru Cavid Telman xəstəxanaya yerləşdirilib. 

KONKRET.az xəbər verir ki, aktyorun yaşadığı mənzildə partlayış olub.

Aldığımız məlumata görə, Cavid Telmanın vəziyyəti ağırdır.

O, 5 saylı Şəhər Klinik Xəstəxanasının yanıq şöbəsində müalicə alır.

***

Yaşadığı mənzildə baş verən partlayış nəticəsində xəsarət alaraq xəstəxanaya yerləşdirilən Abdulla Şaiq adına Azərbaycan Dövlət Kukla Teatrının aktyoru Cavid Telmanın son vəziyyəti açıqlanıb.

KONKRET.az-ın reporta istinadən məlumatına görə, teatrın mətbuat xidmətinin rəhbəri Həmidə Rüstəmova bildirib ki, aktyorun vəziyyəti ağırdır.

Onun sözlərinə görə, C.Telman 5 saylı Şəhər Klinik Xəstəxanasının reanimasiya şöbəsinə yerləşdirilib:

“Hadisə hamam otağındakı su qızdırıcı cihazın partlaması nəticəsində baş verib. Aktyorun aşağı ətraflarında ciddi yanıq xəsarətləri var. Həkimlər hələ dəqiq söz demir və müalicə tədbirləri davam etdirilir”.