ABŞ prezidenti Cozef Bayden Azadlıq Medalı ilə təltif olunanların adlarını açıqlayıb.

KONKRET.az xəbər verir ki, bu barədə Ağ Evin mətbuat xidməti məlumat yayıb.

Azadlıq Medalı ABŞ-da ən yüksək mülki mükafatdır, xeyriyyəçilik, elm, siyasət, incəsənət və digər sahələrdə uğur qazanan şəxslərə verilir.

Siyahıda 2011-ci il oktyabrın 5-də vəfat etmiş Apple-ın qurucusu və keçmiş baş direktoru Stiv Cobs da daxil olmaqla 17 nəfər var. Mükafatlar iyulun 7-də Ağ Evdə təqdim olunacaq.

Medal alanlar siyahısında aktyor, rejissor və prodüser Denzel Vaşinqton, keçmiş senator Con Makkeyn (2018-ci ildə vəfat edib), Vayominq ştatından olan keçmiş ABŞ senatoru Alan Simpson və Brounsvilldəki Texas Universitetinin keçmiş prezidenti Culyeta Qarsiya da yer alıb.

Roman Göytürk,

KONKRET.az