Bir neçə il ardıcıl olaraq qazıntıların aparıldığı “Karmir blur” təpəsində eramızdan əvvəl XII-X əsrlərə aid monumental bina və türbə aşkar edilib.

KONKRET.az bildirir ki, erməni mətbuatı belə bir məlumat yayıb.

İddia olunur ki, “arxeoloqlar tapıntını təkcə Ermənistan üçün deyil, bütün region üçün unikal və əhəmiyyətli adlandırıblar”. Tikinti xarici mütəxəssisləri də cəlb edib, bəziləri isə gəlib hər şeyi öz gözləri ilə görməyə hazırlaşırlar.

Göründüyü kimi, eramızın 19-cu əsrinin ilk yarısınadək bölgədə izi-tozu olmayan ermənilər Qərbi Azərbaycan ərazisindəki tarixi və mədəni irsimizə sahiblənməkdən ötrü hər cür saxtakarlıqlara, fırıldaqlara əl atırlar. Azərbaycan xalqına aid yüzlərlə tarixi abidələri məhv edən bədnam qonşularımız indi eramızdan əvvələ “burunlarını soxub”, qazıntılar zamanı üzə çıxan tarixi irsimizi də erməniləşdirməyə çalışırlar.

İnanaq ki, Azərbaycanın müvafiq qurumları beynəlxalq təşkilatların bu məsələyə diqqətini cəlb edəcək və erməni saxtakarlığı ifşa olunacaq.//Musavat.com