İran dəstəkli Husilər Yəmənin paytaxtı Səna şəhərindəki “Türk Şəhidləri” abidəsini dağıdıblar.

KONKRET.az-ın əldə etdiyi videoda Husi döyüşçülərin İsrail prezidenti Hersoqun Türkiyəyə səfərinə qəzəbləndiyi və tənqid etdiyi eşidilir.

Abidənin yerləşdiyi kompleksdə Birinci Dünya Müharibəsi zamanı Yəməndə həyatını itirən Osmanlı əsgərlərinin məzarları yerləşir.

Abidə Osmanlı İmperatorluğunun Yəməndə 4 əsrə yaxın davam etmiş mövcudluğunun və bölgədə həyatını itirən türk əsgərlərinin xatirəsinin rəmzi hesab edilirdi.

Xuraman Etibarlı,

KONKRET.az