Sosial şəbəkələrdə Muğanlı-İsmayıllı-Şamaxı yolunda təmir işlərinin dayandırılması ilə bağlı videolar yayılıb. İnsanlar şərhlərdə yol təmir işlərinin ləngiməsindən narazılıq ediblər.

KONKRET.az xəbər verir ki, milliaz sözügedən məsələ ilə bağlı AAYDA-ya sorğu ünvanlayıb. Sorğumuza cavab olaraq Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, sözügedən iddia əsassızdır.

“Tikinti işləri davam edir. Hava şəraitindən asılı olaraq bəzən fasilələrin olması normaldı.Amma bütün işlər davam edir. Yaz aylarına doğru daha da sürətləndiriləcək”.