Artıq iki gündür ki, düşmənin təxribatı səbəbindən cəbhə boyunca gərginlik yaşanır. Düşmən təxribatının qarşısını alan ordumuz böyük şücaətlə əks hücum edərək, 7 kəndimizi və müxtəlif ərazilərdə yerləşən bir neçə strateji yüksəkliyi işğaldan azad edib.
Ölkədə böyük coşqu ilə qarşılanan bu qələbə xəbərlərinə məşhurlarımız da öz dəstək mesajlarını bildiriblər.
KONKRET.az onlardan bir neçəsini təqdim edir:
Xalq artisti, məşhur ifaçı Flora Kərimova öz “İnstagram” səhifəsində qeyd edib: “Qarabağdan mənim də səsim gələcək! Allah Azərbaycan əsgərini qorusun!”
Xalq artisti Mələkxanım Əyyubova: “Zəfər sənindir, Azərbaycan əsgəri!”
Xalq artisti Aygün Kazımova: “Qarbağ bizimdir, Qarabağ Azərbaycandır!”
Xalq artisti Faiq Ağayev: “Zəfər ilə yürüş edək biz” qeydini edib.
Müğənni Xatirə İslam da ordumuza zəfər diləyib: “Azərbaycanın hazırda orduda olan əsgərindən tutmuş generallarına qədər qeyrətli oğlanlarına, düşmənlə bu saat burun-buruna dayanan hər bir qardaşa Allahdan səbir, can sağlığı, möhkəm iradə arzulayıram. Allah sizi öz qanadının altında saxlasın”.
Tanınmış tele-aparıcı Xoşqədəm Baxşəliyeva: “Xalq sizinlədir, cənab prezident! Bizə bu sevinci yaşatdığınıza görə çox sağ olun. Rəbbim sizi, ordumuzu, igid oğullarımızı qorusun! Qarabağ Azərbaycandır”,-deyə bildirib.
Aktyor Müşfiq Şahverdiyev isə şəhidlərimizə Allahdan rəhmət diləyib: “Allah şəhidlərimizə rəhmət eləsin! Siz öz torpaqlarınız uğrunda şəhid oldunuz. Yeriniz cənnətdir. Sizinlə qürur duyuruq, Azərbaycan əsgəri!”
Xalidə
Musavat.com
